帶女玩盡半個地球 琦琦未夠皮聖誕再去
琦琦有個愛錫她的老公任達華，亦有個她視為掌上明珠的愛女，她在活動上大晒幸福，指家中兩個寶貝是無價寶。她稱在暑假期間，帶愛女遊玩了半個地球，現在心情仍在玩樂中，並揚言聖誕節再去玩過。
名模琦琦、陳嘉桓（Rose）、Alice B.昨日出席歐米茄Women In Time活動，琦琦透露剛與囡囡去了多個地方旅行，她說：「去咗加拿大、美國、英國、維也納等，差唔多半個地球，啱啱先返香港，心情仲喺度玩緊，依家要等聖誕節先可以再去。」
買錶保值
琦琦又透露最愛買錶來保值：「自己鍾意買錶多過買衫，衫着兩三個月就唔着，而買錶可以保值之餘，又可以留畀個女。不過最保值都係屋企兩個寶貝（丈夫和女兒），佢哋係無價寶。」另外，她對謝霆鋒和張栢芝離婚一事感可惜，她說：「佢哋係亞洲人眼中嘅金童玉女，不過可能呢個係佢哋最好嘅選擇，都會祝福佢哋。（擔唔擔心佢兩個小朋友嘅成長？）都唔會嘅，凡事有好有壞，好嗰方面諗，好多單親小朋友因為經歷過，反而表現仲優秀，加上栢芝同霆鋒都好優秀，所以應該無問題。」
唔係小五
另外，傅穎與羅仲謙的感情糾纏不清，更爆出男方一腳踏多船，Rose曾與羅仲謙合作拍攝電影，謂不相信對方會如此：「我唔信阿謙會咁做，如果兩個人相處發現有問題，就應該溝通。（之前同羅仲謙拍戲，對方有無追你？）無呀，我哋好專心拍戲，所以我唔係佢傳聞嗰啲小五（第五者）。」至於謝霆鋒和張栢芝已協議離婚，並會共同撫養兩名兒子，Rose就表示自己都算係單親家庭長大，只要父母離婚唔影響小朋友就可以。
採訪：名人組