糖妹唔check男友手機
「宅男女神」黃山怡（糖妹）昨日現身電腦節遊戲機攤位，提到有傳傅穎因check羅仲謙手機而惹被打疑雲，問糖妹拍拖會否check男友手機？她說：「眼不見為淨，唔會check囉。（有傳羅仲謙一腳踏四船？）唔緊要，佢遲早要結婚揀定一個，所以都冇所謂啦。（傅穎博宣傳？）佢可能因為要離開香港呢個傷心地，所以忍唔住有感而發啫。」
另外，o靚模余曉彤早前與傅穎及羅仲謙合作電影《熱浪球愛戰》，她直言傅穎應該做回本分：「我覺得謙仔個人幾好，唔覺得佢會打人，成件事好戲劇性，但始終都係佢哋兩個嘅事。拍戲唔覺得佢哋拍拖。」
