Monna夜店捽碟唔怕抽水
有「混血E神」之稱的o靚模林宜芝（Monna），最近亦加入DJ行列，於本周四晚到尖沙咀的酒吧捽碟。日前Monna身穿低胸裝晒「事業線」練習捽碟，向DJ Cyrus學師，為處女騷做好準備。談到o靚模由寫真戰鬥到DJ界，許穎、何佩瑜等也有捽碟，Monna說：「我比其他人努力啲，早排買咗部細細部捽碟機喺屋企練習。（捽贏其他o靚模？）各有個人風格，我仲摸索緊，由細到大都好鍾意音樂，對音樂有啲天分。（擔唔擔心被博懵？）嗰晚我企喺台上面，而且有工作人員保護我，唔太擔心有人博懵。」
