陳豪過夜斷正茵媺帶見「家長」

本報連日來在「雙陳」愛巢守候，昨晨7時終發現「豪」蹤，據悉前晚陳豪與Aimee通宵密會，陳豪昨晨以便服打扮離開，還手持眼鏡盒及住戶證前往取車。起初他表現謹慎，還戴帽及戴口罩以防被認出，及後他放下戒心，故發現記者時十分驚愕。問到是否公開與Aimee關係？是否另築愛巢？陳豪沒有回應，只尷尬傻笑，離開時他仍禮貌揮手。

事後陳豪接受本報電話訪問，心情靚爆，問是否與Aimee同居？他開心說：「唔係呀，我去朋友屋企食飯。（邊個？）麥包（即麥長青）。（七點先攞車走？）尋晚食完飯飲咗酒，費事即時揸車嘛。」他又否認與Aimee同住深井，至於關係是否昇華？他說：「呢件係開心事。（同Aimee乜嘢關係？）保持約會關係。（唔公開？）等我同佢約會多幾次先。（外界受落喎？）多謝！」

再追問是否和Aimee搬往深井？他即愈解愈亂：「唔係，不過嗰度環境好靚。（但你攞住戶證？）吓？點會呀？我住將軍澳，嗰張係將軍澳住戶證。（但將軍澳屋苑出入係用八達通？）嗰張係八達通，唔信下次我畀你睇。」

放大圖片	陳茵媺提起陳豪甜到漏。（資料圖片）

麥包爆拍拖

陳豪解釋只是去麥包家中晚膳，又大讚麥包嫂廚藝一流，問到為何泊車泊得太遠？他說：「費事同Aimee泊同一個停車場，所以泊遠啲，費事畀人捉到，點知都畀你哋捉到，我份人好低調，唔想畀人講咁多。總之我公開的話，一定會同《東方日報》講。（拖手畀我哋影？）好啦！」

至於Aimee被問到是否與陳豪築愛巢，她甜到漏說：「No啦﹗哈哈，我仲住喺清水灣，有朋友住嗰度，所以去食飯。（麥包？）係呀，阿哥呀。（陳豪係正式男友？）我都希望將來會係。」

對於陳豪指常到麥包家中作客晚膳，身為Aimee「阿哥」的麥包，昨在電話無意中踢爆兩人的戀人關係﹗麥包說：「阿妹（指Aimee）成日上嚟我度食飯、飲湯，仲教我個女講英文。（係咪帶埋陳豪？）梗係有，我話晒都係阿哥，咁都要介紹男朋友我識。（一齊上嚟？）幾次啦，啱啱拍拖係咁啦，成日又咁多狗仔隊跟，去得邊吖？

廖碧兒懶理

至於陳豪舊愛廖碧兒則懶理「雙陳戀」，只在微博透露工作近況。另外，據知「雙陳」稍後接拍李添勝新劇《天梯》，屆時可「寓拍劇於談情」。

文：專案組 攝：追蹤組