好友感到可惜

擾攘多時的鋒芝婚變,終聯合發出離婚聲明,圈中好友、藝人無不感到可惜。

梁漢文:擾攘咗幾個月,都應該畫上句號,作為佢哋嘅朋友,我衷心祝佢哋各有新開始,無論喺私人事或工作上。

張家輝:感情無分對或錯,既然相處出現問題,好難勉強走下去,內裏發生乜事冇人知。

陳百祥:由細睇住霆鋒大,唔啱咪分開,冇問題喎,霆鋒係個好男人。

鄭裕玲:佢哋係成熟嘅人,自己知自己事,解決咗小朋友就冇問題,最緊要佢哋自己開心。