栢芝重新規劃工作
鋒芝正式宣布離婚，從此各走各路，霆鋒經理人霍汶希表示尊重兩人的決定，她說：「大家畀多啲空間佢哋，希望兩個小朋友可以健康快樂成長。」而栢芝的經理人公司、新亞洲娛樂老闆余毓興表示全力支持栢芝：「見到件事能夠喺和平愉快情況下搞掂，都係一件好事，大家都想見到佢哋再見亦是朋友，稍後會針對栢芝嘅現況，幫佢規劃新嘅工作。」
跟霆鋒合作無間的導演林超賢，踢爆霆鋒為婚變神傷，他透露曾與霆鋒飯聚，他說：「食飯時阿仔講起都好唏噓，所以離婚都唔意外，件事拖咗咁耐。」他指霆鋒鬥心好強，不會貿然決定一件事，他說：「話唔傷就假嘅，不過佢用工作麻醉自己。」栢芝主演的《無價之寶》導演王晶說：「件事講咗咁耐，早就料到個結局係咁，人哋嘅事講嚟做乜，佢唔同我部戲宣傳都預咗。」