超蓮考棍波驚衰
賭王三太陳婉珍千金何超蓮日前下午一時許，從寓所出發到銅鑼灣會友人。身穿背心、吊帶褲，戴上黑超的她，一貫其親民作風，對記者的提問有問必答。
超蓮透露現正學車，但不願透露詳情：「我唔打算講，你哋會影我o架，我又未考試，驚唔合格呀！」記者問她何以如此沒自信？她即伸一伸脷，笑說：「因為我考棍波，所以冇乜信心。（點解依家先學？）之前媽咪唔畀，依家終於求到佢畀我學。因為我有脾氣，驚我會撞車，佢覺得我依家長大咗，可以控制到情緒。（有冇dream car？）粉紅色嘅車算唔算呀？冇諗過呀，考到先算啦！」
當記者問她對姐姐超雲的男友陳山聰的印象如何時？她即大讚好，並表示會祝福他們。另外，她亦在微博上載了愛犬小吉的相片，又表示將離開香港。