周柏豪擲半百萬操辣車

周柏豪出道至今獲不少廣告商垂青,今年更夥拍Angelababy成為運動品牌全球代言人,酬金三級跳,難怪他近日豪擲半百萬換「老婆」,購入旅行車款辣跑,「升呢」歐洲車車主,並掛上對他意義重大的新車牌。

歌手周柏豪近日因「雲山戀」慘遭傳媒日夜追訪,但仍無損他的心情。日前更露口風睇中新車,原來他早前秘密用54萬購入「Dream Car」Audi旅行車,過往以十多萬日本車代步的柏豪即時「升呢」,日前更急不及待到車房接「老婆」。

周柏豪乘的士抵達堅尼地城的車房,落車即撲向一輛黑色旅行車,與老闆大談一輪車經之後便仔細Check車,一時打開尾冚、一時跪低捽軨、一時學習操控,到準備掏出信用卡埋單之際,才知道車房只收現金,柏豪索性到附近取錢,見他將一疊疊「金牛」放入銀包折返車房找數,然後不足十分鐘一臉滿足駛走愛驅。

雙親贈車牌

記者致電柏豪經理人求證,對方承認柏豪有新車落地:「佢一直都好鍾意呢架車,咁啱公司加咗佢人工,新碟銷量又唔錯,想獎勵自己!(車牌是否有寓意?)係柏豪父母早前特登投畀佢,係拍豪嘅生日日期,聽講要成兩萬蚊架!」

文:音樂組