張栢芝惡補貓步獲讚專業
張栢芝於上周五為品牌處女行騷，一嘗要做MODEL的心願，原來今次她搵了名模何紫綸（Ann）惡補2粒鐘，Ann說：「栢芝第一次行騷，佢怕自己表現唔好，所以搵我幫忙上速成班。」對於栢芝被彈表現有點生硬，Ann就力撐栢芝有台型：「佢表現OK，好有壓場感，只係太瘦有啲寒背，我提佢要注意。」
栢芝亦對自己表現感到滿意，她的經理人周小姐說：「外國行騷啲model個樣好cool，栢芝只係符合專業要求，佢有少少緊張，不過好多人都讚佢表現好。」當日台星汪東城亦在後台跟栢芝拍照留念；另有指鋒芝日前帶Lucas搵學校，周小姐澄清他們只是陪Lucas參加學校的family day。