陳嘉桓打出天水圍

陳嘉桓（Rose）於中五時加入現時的經理人公司，當時只想當模特兒的她於面試時作天才表演，坦言一度想過放棄，經家人多番鼓勵才試鏡。及後，公司老闆冼國林師傅問她想不想學功夫，Rose認為是機會難得，答應簽約後就即時接受長時間的功夫訓練。「打女」形象鮮明的她卻原來自小已不愛運動，她謂：「初時淨係拉筋已經痛到我標眼淚！好彩最後都一一過關！」

杜宇航共進退

Rose原來在簽約初期對自己亦有所疑惑，她笑說：「我又唔識功夫、又唔係天姿國色，所以我問過師傅點解會簽我，佢話鍾意將啲唔起眼嘅事變得神奇，又覺得我肯捱又肯聽意見，所以簽咗我。」和她同期簽約的新人，大多嫌訓練太過辛苦而放棄，最後只剩下她與師兄杜宇航。

學懂面對困難

於天水圍長大的Rose更積極為「悲情城市」天水圍平反，於該區讀了五年中學的她透露是家境貧窮的同學教懂她如何面對種種難關，這亦成就她之後接受艱辛訓練時能堅持下去的原因。自小與母親相依為命的她又說：「我唔會以喺單親家庭長大嚟做學壞嘅藉口。單親同學壞、貧窮同悲情根本係兩回事，所以我都希望大家唔好再將天水圍標籤為『悲情城市』啦！」

文：影視組