蒙嘉慧撞毀伊健座駕
蒙嘉慧（YoYo）近日埋首拍攝新劇《ATF反恐》，前日清晨時分駕駛男友鄭伊健座駕開工途中，卻不慎發生交通意外，幸好未有受傷，YoYo吹波仔後離開趕往劇集拍攝場地，至昨日早上才收工返家。
YoYo昨日透露身體已無大礙，更謂︰「其實好小事，最緊要人冇事，當時我趕住返工，未落口供就走咗，遲啲要返去補番，好在都冇影響拍攝進度，今次係我人生第一次吹波仔。」問到有否通知身在內地拍戲的伊健？YoYo坦言事發後第一時間向對方報平安，她謂︰「佢話最緊要個人冇事，同埋呢排佢騎馬好忙，唔會揸車，我架車又整緊，所以出入搭的士，刺激吓香港經濟。」