樂瞳事業起步拒絕多戀事
被封為「K4」的無綫藝員樂瞳、黃得生、羅鈞滿和朱敏瀚，雖然合作無間，但樂瞳坦言難與其中一人擦出愛火花。她更稱事業剛起步，絕不會為拍拖而放棄事業。
「宅男女神」樂瞳與無綫男藝員黃得生（Dickson）、朱敏瀚（Brian）和羅鈞滿（Moon），早前在劇集飾演搗蛋學生而被稱為「K4」，四個大細路渴望組成「K4同盟會」，主持飲食或旅遊節目，希望將來能成事。
四人經常結伴出席活動，雖然默契十足，但樂瞳直言從未與三位男士過電。她笑稱：「我哋冇日久生情，好難同佢哋由朋友變成情人，平時食飯去街係正常社交，我係屬於一見鍾情嘅女生。」
不排除未婚懷孕
提到組合農夫成員陸永快將為人父，與陸永分屬同門的樂瞳表示：「好驚訝！我會送尿片畀佢。（你會唔會未婚懷孕？）我估唔會，但又冇百分百保證嘅。（有冇對象？）未有，邊個唔恨有男友吖？但我事業剛起步，坐穩啲先。（驚粉絲唔鍾意你拍拖？）唔會嘅，佢哋好多都接受到偶像有另一半。」
年紀最細的Brian亦表示暫無對象：「事業為主。（姊弟戀？）未試過，但唔敢試。」Moon則說：「我有對象，依家努力追求緊。」
採訪：戶冊平
攝影：沈健程
場地：gi