黃嘉樂等上位跟鄭嘉穎學嘢

黃嘉樂現時於無綫一劇接一劇，不經不覺，原來他於無綫捱了十個年頭，雖仍未上到一、二線男主角位置，不過嘉樂坦言自己比起很多人未算辛苦。問到覺得自己欠缺甚麼？他說：「可能自己太過被動、沉默，欠缺咗自己處事方法。好多時啲人以為我唔講嘢個樣好寸，其實只係自己免得講多錯多，我唔係太識講嘢。」

人比人比死人

現時播映的《紫禁驚雷》中，嘉樂飾演納蘭性德一角，要演繹這位清初第一詩人，嘉樂坦言有難度，面對長長的對白，要令觀眾沒有納悶感覺甚考功夫。嘉樂坦言平時都會得「大哥」鄭嘉穎及「二哥」馬國明指點，從中偷師學習長處。

黃嘉樂（左起）坦言可能性格被動關係，而未能升上一線小生之位。

呂晶晶與唐詩詠曾與嘉樂傳緋聞。

嘉樂說：「好多時我哋拍嘢，記得對白，又記唔到啲場口、走位。所以我學二哥收到劇本後，會攞本簿仔記低細節。而大哥就叫我努力做功課，無論做乜嘢角色都會投入，好多時都要催眠自己，唔好話自己唔得！好多時做藝人都會返番去原地踏步嘅情況，不過要同自己講，我係得嘅，不過自己唔會同人比較，人比人比死人。」

現時嘉樂忙拍《樂府藏龍》，飾演歐陽震華（Bobby）弟弟。面對這位前輩，嘉樂指Bobby除了是開心果外，更會不時給他們發揮機會：「無論Bobby幾攰都好，佢都會提我哋，畀番個反應位我哋做，又會搵位畀大家去撞啲戲出嚟，佢真係好照顧後輩！」

無啦啦變情癡

此外，嘉樂早前同時與唐詩詠及呂晶晶扯上關係，嘉樂對此笑言:「食得鹹魚抵得渴！真係多咗好多雜誌報道我嘅感情生活，無啦啦搞到我變咗情癡！不過講還講，我情願冇新聞，都唔想有負面新聞。」

文：影視組

場地：AN-TICO（The One）

髮型：Ian@II