趙哲妤免費美甲乘機偷師
中國小姐趙哲妤（Uny）平時十分貪靚，早前認識美甲店老闆娘，獲贊助免費修甲，最愛修甲的Uny開心非常︰「我之前開咗間舖賣寫真，咁啱喺呢個商場識咗開美甲舖嘅老闆娘，大家交流美甲心得，佢仲sponser我一世免費整指甲。」
不同的指甲適合不同場合，Uny曾因選擇指甲款式而傷腦筋︰「美甲係潮流，就好似着衫咁，唔同場合都會唔同，依家有專人幫我整指甲，幫我諗埋咩款式，我仲向老闆娘偷師添！」她會否考慮開美甲店？Uny說暫未有計劃，有專人服侍已經足夠。
服裝：iPOSH 場地：Nail_At@TST SOLO 16/F