莊冬昕三千呎金屋藏嬌
唱作歌手莊冬昕（Deal）談及舊愛鄭融與新歡鍾欣桐（阿嬌）時均點到即止，但在其3,000呎錄音室內，卻發現兩女的「蹤影」，洩漏了在Deal心目中，阿嬌比鄭融更受重視的「證據」。
Deal日前在其位於九龍灣，面積達三千呎的Studio接受專訪，在Studio客廳內放置了大型CD架，全是他和合夥人陳少琪（著名唱片監製）合作過的歌手所送，當中發現現任緋聞女友阿嬌和蔡卓妍組成Twins的唱片，放滿兩個架之多，且在長櫃的正中位，可見極受重視；反觀過氣緋聞女友鄭融的唱片只是「靠邊站」，僅放在長櫃的最尾及偏高位，若不留意觀察，根本留意不到。
緋聞女友曾拜訪
問他鄭融及阿嬌唱片的擺位，是否意味着她們的受重視程度？Deal說：「你哋太敏感啦，呢度唔止有Twins、鄭融，仲有徐子珊等嘅唱片，其實鄭融啲碟係送畀少琪o架，個位係少琪自己揀，唔關我事。」Deal坦言阿嬌及鄭融也曾到訪Studio，但純為工作，私下並沒有太多聯絡。
自己出碟冇壓力
Deal的新碟暫定於10月中推出，問他為自己作歌及監製可覺得壓力特別大？他說：「唔會，幫朋友作歌先大壓力，因為我要畀朋友最好嘅，唔想令佢哋失望，但我自己隻碟，可以鍾意做乜就做乜，壓力冇咁大添。」有謂他的音樂不屬主流，Deal也認同，故他很感激唱片公司給予百分百自由度。
採訪：音樂組
服裝：CHOCOOLATE