秋官豹男上身chok贏伊健

【潘琳北京直擊】鄭伊健昨日以男主角身份率領吳尊、周渝民、于波現身北京出席《忠烈楊家將》記招，電影男主角「楊大郎」原為古天樂飾演，但因他早前意外令右手手腕韌帶及右腳十字韌帶受傷被迫辭演，執二攤的伊健由戲中反派躍升為男主角，但論搶鏡程度始終輸給舉手投足均勁chok的秋官，伊健說：「秋官係chok祖，古裝有古裝chok，時裝有時裝chok，（多謝古天樂？）冇見過佢，我好鍾意本來反派角色，都係挑戰，套戲有馬上打仗嘅戲份，我騎馬時曾墮馬，又練到臀部發炎！」

騎馬戲份多

而周渝民不擔心騎馬危險，他說：「武指會有安排，我第一次學騎馬，很放心，會多放時間跟馬匹溝通。」吳尊則表示：「這次騎馬動作戲特別多，我要練好平衡，也要在鏡頭前做反應。」

吳尊（右）及周渝民兩大俊男於戲中合作，二人都覺得最難忘是拍攝騎馬戲份。

伊健與秋官在記招上分享拍攝的點滴。

而大俠上身的秋官則大談chok的學問：「我呢身打扮係老婆話事嘅，已經收斂咗啦，我偷偷加件西裝，chok最緊要不經意，太刻意會令人反感，我有研究過，喺飛機廁所見過『choke』呢個字，你估chok會唔會就喺廁所度來？」

另導演于仁泰解釋陣前易角時感覺牽強，他說：「一開始我已經覺得伊健適合演楊大郎，但黃百鳴話簽咗古天樂，依家最終都係由伊健演，呢啲可能就係天意。」