官恩娜唔使匿鬆口氣
歌手官恩娜（Ella）近期可謂頭頭碰着黑！上周她到無綫錄影時為避與「舊愛」吳卓羲同場，竟匿在錄影廠內。沒料前晚幾乎又撞正吳卓羲「新歡」張馨予，慶幸張馨予臨時甩底，官恩娜才鬆口氣，不用再匿埋避開尷尬場面！
Ella上周到將軍澳電視城錄影節目《變身男女ChokChokChok》時，撞正「舊愛」緋聞男友吳卓羲在隔籬廠錄影《勁歌金曲》，她為避「舊愛」竟躲在廠內迴避，怎料一星期後事件又幾乎再重演！
前晚官恩娜到無綫錄影《勁歌》，剛剛遇着吳卓羲「新歡」大陸女星張馨予被邀在隔籬廠錄影《變》，慶幸「新歡舊愛」聚首一堂的尷尬畫面未有上映，因為原本答允出席的張馨予因被劇組勒令趕返內地工作，而臨時甩底。
怕影響工作
避過尷尬場面的Ella被問到是否鬆口氣時，她說：「唔講呢啲喇！我都唔識佢（張馨予），唔關我事，我都係正常做嘢。自己身為品牌代言人唔想因為啲緋聞、不實報道同奇怪新聞影響工作。」《變》監製錢國偉則謂：「張馨予臨時有工作嚟唔到，不過都唔知佢哋會撞正，知道都唔出聲啦。」
楊梓瑤愛肥仔
另外，「浸大咪神」楊梓瑤（Carol）以密實造型有亮相《變》，她笑謂今次是來Chok樣Chok甫士，不是來賣弄身材。提到她與導演葉念琛的緋聞，Carol說：「佢係我伯樂，大家只係好朋友，佢咁有才華大把女仔爭啦。」但她之後列舉的擇偶條件卻似足葉念琛，她說：「我鍾意男仔有才華，唔使靚仔，唔使高大威猛，肥仔都冇問題。」
文：影視組