梁漢文享受幫傅家俊執波
歌手梁漢文、樂隊Mr.成員Tom及Dear Jane成員Jackal昨日獲邀出席明星桌球賽，大鬥DJ代表隊，梁漢文特別帶埋私家桌球棍到場，有姿態亦有實際，他說：「以前真係好誇張，同張衞健日打夜打，試過下晝三點打到凌晨四點，好離譜，後來想練好鋼琴就戒打枱波，依家玩番都冇以前個水準！」他表示有幸跟港隊代表傅家俊打過兩次波，淨係幫對方執波都已經夠享受。
而Mr.主音Alan特別早起，到場撐Tom，Tom說：「得閒夾完Band，咪落桌球會打波，但都唔算成日落去，（帶埋女朋友去？）呢種地方人煙稠密，吸咁多煙都唔係咁好，好少帶女仔去！」兩人又稱各自有帶女友回家見屋企人。