Twins：我哋係台瘟絲姬
Twins前晚舉行十周年紀念音樂會，再度合體出擊的二人施展渾身解數又唱又跳，惜緊張過度以致「蝦碌」連場，阿嬌（鍾欣桐）跳到反甲兼「甩膊」，而阿Sa（蔡卓妍）亦甩髮又鬆襪，狼狽非常！
繼去年在紅館舉行首個合體演唱會後，Twins前晚假會展舉行一場《新城Twins 3650演唱會》，吸引鄺美雲、容祖兒母親、Sa爸及C AllStar等捧場，而「孖仔」BOYZ則戴住型仔黑超擔任表演嘉賓，與「孖妹」合唱《死性不改》及獻唱新歌《Ready to go》，掀起全場高潮。Twins甫出場即連場勁歌熱舞，但阿嬌一唱完即表示：「頭先發生咗一啲意外，我懷疑自己嘅腳甲反咗！」阿Sa接着又說：「我執頭髮亦都有啲麻煩，跌晒落嚟！」
台上低整襪
之後Twins換上一襲較嫵媚的舞衣獻唱《女人味》，更邊唱邊拿水樽向男舞蹈員淋水大玩「濕身」，由於兩人分別穿上七吋高跟鞋，阿Sa突然大叫：「哎吔，我見到對襪凸咗出嚟好肉酸！」隨即慌張地烏低身整理，身旁的阿嬌就不斷爆肚助她解圍，可惜阿嬌最後亦不能自救，因她膊上的兩塊厚墊在連場勁舞後鬆脫飛甩到背後，最後她索性將厚墊除掉。
BOYZ期待開騷
音樂會完結後Twins於後台接受訪問，揚言十分疲累，更為連番「蝦碌」解畫，阿嬌說：「我仲未除對襪睇，但頭先喺台上聽到自己啲腳甲『刮』一聲！」而阿Sa則自稱高跟鞋太高以致膝蓋劇痛，對於有指二人演出期間甩嘴？阿Sa笑言：「唔係，純粹係我哋問題，因為我哋係『台瘟絲姬』，太緊張！」
另外，BOYZ透露稍後會推出新碟，並期待公司為他們舉行音樂會，對於「密友」張敬軒母親患病，Kenny坦言已慰問對方，他說：「軒仔都叫大家唔使擔心！」
採訪：音樂組