鋒芝秘密返港再講數

謝霆鋒與張栢芝決定離婚，兩人就兩名兒子撫養權、財產分配等問題，八月初在大仔Lucas生日期間，兩人在陽明山莊更傾足十二小時，但傾到最後因栢芝突然改變主意，為保障兩個兒子決定改變傾開的所有條件，轉為要求霆鋒將所有物業，包括舂坎角Ocean Bay逾3,000呎全海景獨立屋、中環擺花街3間舖位等逾二億元物業畀晒兩個兒子Lucas、Quintus，霆鋒需要時間考慮及準備轉名文件的安排，兩人遂各自到內地繼續工作，並約好昨日齊齊返港繼續「講數」，若達成共識，便可隨時動筆，正式結束四年夫妻關係！結果談至晚上十時多仍未見霆鋒離開。

今各自返溫州寧波

雖然兩人昨天的「秘密一日談」，非常神秘，但謝霆鋒的粉絲因在北京及香港機場都撞到霆鋒，故上載了一些霆鋒在機場的相片，而在香港的那一輯，霆鋒更與楊千嬅同行，粉絲還指霆鋒今日應會飛往溫州！

對於霆鋒秘密回港處理家事，霆鋒經理人霍汶希回應：「霆鋒確實返港一日，其他嘢唔回應。」栢芝經理人亦不作回應，據知，栢芝應於今日返回寧波繼續為《河東獅吼II》開工。而原本在北京拍劇的霆鋒，在昨日返港之前，有人目睹霆鋒父母謝賢、狄波拉齊齊到北京探班，應是為霆鋒今日談判打氣！

另外，張栢芝與仔仔謝振軒（Lucas）首齣母子檔合作新片《無價之寶》，昨於成都舉行首映，栢芝與Lucas繼續缺席。

文：影視組