Jeana不倒胸 陳豪嗌神奇
陳豪早前拍劇學了幾招魔術傍身，昨日出席活動時表演刀鋸「寸嘴o靚模」何佩瑜（Jeana），Jeana的「不倒胸」竟然郁都唔郁！事後陳豪被問對方的身材時，他語帶雙關表示「好神奇」！
陳豪昨日以代言人身份出席時尚新店POMPEI開幕活動，同場還有名模Mandy Lieu及「2010國際中華小姐」岑麗香表演時裝，當中最搶鏡的是穿着吊帶花短裙的Jeana，酥胸半露，還不經意在鏡頭前跌帶。
唔驚鋸爆胸
之後Jeana與陳豪合演「刀鋸美人」魔術時，其「不倒胸」最為人嘖嘖稱奇！無論坐着、側身還是躺下，其「不倒胸」依然屹立不倒，完全沒有郁動過，可說是「沒有生命迹象」！
事後陳豪被問擔不擔心會「鋸爆」Jeana胸？他尷尬地說：「我之前拍《心戰》學過魔術，係有啲竅門要做吓戲嘅。（驚唔驚整親佢？）都有少少驚架！（佢個胸好神奇唔識郁喎！）哈哈哈……魔術表演係好神奇嘅！」問到覺得Jeana身材如何？陳豪口窒窒表示OK，笑言早前做港姐評判時評過不少。
冇問攞電話
Jeana笑言表演「刀鋸美人」時胸部沒事，只鋸肚腩位置，她相信若有事，陳豪會負責任。問到其胸為何不倒？Jeana強調有戴胸圍兼用手按住，隨即轉換話題：「我好鍾意陳豪，佢高大靚仔又Nice，希望有機會合作。（問佢攞電話？）冇呀，第一次見就問好尷尬，下次傾開偈先。（佢專揀選美冠軍喎！）我都係寫真冠軍，唔知有冇幫助呢？」
文：影視組