廖碧兒feel唔到林忠豪追求
日前獲緋聞男友林忠豪公開表白的廖碧兒（Bernice）昨日風騷出席活動，被讚容光煥發時，她說：「梗係開心，一返嚟就咁多嘢做，之前喺橫店拍戲無啖好食好辛苦。」對於林忠豪指一心一意追求她，Bernice笑晒表示﹕「好多謝佢讚，但依家好忙，朋友家人都無時間見。（開心﹖）個個都鍾意有人追，做藝人唔同，唔可以過正常拍拖生活。（維持朋友關係﹖）我唔覺佢追我。（畀檸檬佢食﹖）都無人向我示愛。」但當問她是否未放低前男友陳豪時，她即面色一沉說﹕「之前嘅嘢唔想提。」
另外，同場有模特兒林莉、Lisa S.與母親等，林莉微露事業線，她自稱小女人，需要搵大男人保護，但仍未有合適對象，問到擇偶條件，她說﹕「有事業心及重家庭觀念。」
