古巨基結婚玩即興

正日當天基仔要在工作中度過，參與新城台慶音樂會演出，他說：「可能先一晚跟公司同事慶祝，（想收咩禮物？）放假！（39歲生日，最後一個3字頭？）係咩？唔係28歲咩？對於我嚟講每一年都係咁過，最緊要心態保持住有Energy嘅大細路。」

定會公告天下

基仔希望明年在工作、生活上取得平衡，他覺得目前時間上不夠分配，希望有多些私人時間，可以陪伴家人、朋友，他跟得力助手Lorraine的緋聞傳了多年，有報道指他明年會結婚，他說：「通常30幾歲嘅男藝人，都會逐年估吓佢，總有一年估中，明年我都唔知自己有咩諗法。」他坦言對結婚沒有計劃，但不排除會閃電結婚，屆時他會向大家公布。

基仔與女粉絲合力在蛋糕上「加料」。

受萬千歌迷寵愛的基仔樂做大細路。

出拳頭避戀事

基仔跟陳山聰當年曾屬同一唱片公司，對賭王千金何超雲大方承認跟陳山聰蜜運四個月，基仔說：「恭喜佢。」記者即打蛇隨棍上追問幾時輪到他公開戀情？他靦覥地以拳頭作狀拍打記者，大家笑問他甚麼意思？他笑說：「盞鬼！」

文：音樂組