Mani：拍戲絕對比唱歌好
英皇高層霍汶希（Mani）與古天樂識於微時，談起舊友刻下在影壇炙手可熱，Mani以經理人口脗分析謂：「佢外形俊俏，呢幾年開始愈嚟愈Man及成熟，內地知名度高。除咗係電影票房保證外，仲好有賣埠價值。最緊要係佢肯嘗試唔同嘅角色，就算醜化自己、搞笑都冇所謂，而佢又演得唔錯，呢樣幾難得。」
Mani直言初遇古仔時，對方長相與現在大相徑庭：「嗰時佢膚色白，成個人好瘦、好薄，最難忘係佢嘅『頭盔頭』，每日用好多hair spray gel實頭髮，真係估唔到佢依家咁叻仔。（走漏眼？）咁又唔可以咁講，我比較專注做歌手（經理人），咁佢依家喺影壇嘅發展同埋成就，絕對比佢唱歌好好多。」
