柏豪喊甩難懶得恭喜

超雲前日接受本報獨家專訪坦言跟山聰拍拖4個月，晚上更帶男友山聰見家長，以證兩人已認定對方。昨日曾跟超雲傳緋聞的張致恒（Steven）和何敬豐都在微博恭喜，相反柏豪就沒有留言，似乎對曾被超雲和山聰在微博暗寸利用朋友一事耿耿於懷，不想再惹禍上身，故表現得十分避忌。

愈搞愈複雜

直至昨晚柏豪現身籃球賽被記者追訪，他終開口說：「有留意，個個人今日都講我知，連隊友都笑我打場波都有新聞蓋過。」問會否送上祝福？他說：「會，因為開心事。（甩難？）某程度可以咁講，唔使再誤會、澄清，之前自己唔識答，搞到件事愈來愈複雜。」問覺得超雲和山聰襯唔襯？柏豪為免講多錯多，說：「唔回應，亦唔會特登sms恭喜。」問他會否效山聰停工玩四個月？柏豪笑說：「睇吓對方係邊個。」

柏豪沒有在微博留言祝福超雲，相反超雲兩位前度緋聞男友都在微博力撐，何敬豐留言：「恭喜！見到你願搭（踏）前這一步，感覺你真的大個女。珍惜人生，願你開心快樂！」Steven則留言：「咁咪好囉，唔使煩啦，我一定支持你o架！」超雲留言多謝Steven：「Thank you！See u soon」

Steven收到風

記者致電Steven問是否早知兩人拍拖？他說：「超雲未去英國前，同我講咗同人拍拖。」問有冇酸溜溜？他沒好氣說：「黐線，緣分唔係我哋去控制，佢哋依家公開幾好，唔使辛苦，唔使避嚟避去。」對於外界不看好超雲與山聰這一對，Steven說：「佢兩個人決定，唔係同全世界人拍拖。（山聰曾離婚。）過去已經過去，我可以引述聖經：愛能掩蓋好多的罪，可以化解好多的錯。」

至於山聰的前妻楊渡萍（Ponny）昨日在微博用中英文轉發友人留言：「對一個搶自己男朋友的女孩子最大的報復，是讓她擁有他，因為真正的好男人是永遠都不會被人搶走的。」依然關注前夫微博的Ponny還附上手指公圖案。

文：音樂組