官恩娜為偷食呼冤
官恩娜（Ella）出席汽車派對時被問到有報道指她背男友偷食兼夜蒲時，她大表無奈，稱當晚是一大班朋友包括老闆去夜店消遣，對方更是相識廿多年的好友，還擔心自己形象受損：「老闆見夜叫個friend車我返屋企，而且男友嗰晚有事在身嚟唔到；我一向都唔蒲，今次千年道行一朝喪，總之我行得正、企得正，又冇醉酒街頭，大家唔好誤會我。」
她說：「我細細個就識佢，真係好無辜，拖埋佢落水。（怕佢女友誤會？）唔怕，佢之前啲女友我都識，而依家佢又冇拍拖，唔好誤會我哋係男女關係，我同佢係兄弟。」而Ella出席另一音樂活動時也再三強調否認背男友偷食，更揚言以免被人影到，以後唔出街！