婷婷拉姑見Lucas冧到眼濕濕

謝婷婷前晚出席意大利汽車品牌Alfa Romeo陳列室隆重開幕派對，同場並有賽車手歐陽若曦及女模Alice B.等。

拉姑得見兩孫兒，開心得眼泛淚光。（資料圖片）	謝賢被Quintus搞眼鏡，即時變臉。（資料圖片）	歐陽若曦及Alice B.出席汽車陳列室開幕派對。

甫進場即成為焦點的婷婷，被問到是否與Lucas相見？她立刻由心笑出來，坦承是在Lucas生日後一日，被安排在哥哥家中見面：「我同爹哋媽咪都喺哥哥屋企等，係有人帶佢哋嚟，當時哥哥唔喺度。（係栢芝？）唔係！」其後她更大爆Lucas冧功了得：「我一見到Lucas就講『I love you』，佢就回應我一句『I love you too』，之後我又問『how much？』佢就話『nine nine nine』，我唔明係乜意思，但好開心！」

四哥變臉

婷婷說：「佢哋大個咗好多，我第一次見到Quintus識行，仲識做好多動作，你拍手佢就跟你拍手，我又餵cup cake同雪糕畀佢食。我哋已經四、五個月冇見，起初都怕佢哋對我生暴，Quintus有少少對我生暴係正常，而Lucas就OK！」問到拉姑看見孫兒時有否哭起來？婷婷表示沒有，自己與媽媽只眼泛淚光：「水汪汪囉！」她其後更大爆不少趣事兼拍短片，笑說：「Quintus坐喺爹哋媽咪中間，點知佢一手捉住四哥眼鏡，我畀啲friends睇，佢哋唔係留意Quintus，反而留意爹哋。（四哥係咪想『舂』個孫？）哈……佢嗰刻好兇望住Quintus，但好快即變回笑臉，好好笑。」

再見不難

至於何時再相見？她坦言不難，問到拉姑是否不捨得孫兒離開時，她表示媽媽都明白事理：「每次都會有呢個感覺！」其後她大爆哥哥在網上訂了個太空船給Lucas作生日禮物，問到Lucas有否向她說與媽媽生活怎樣？她說：「冇問，估唔到四歲識講咁多嘢。（咁Lucas幾時返學？）唔清楚。」

文：名人組