郭秀雲遇疑似「機震」 楊梓瑤直擊空中求婚
名人明星常搭飛機出埠公幹，無論空中旅程是短或長，機艙中必定看盡人生百態，名媛郭秀雲說曾遇見疑似「機震」的令人想入非非的場面；馬詩慧則暈倒在機兼頭髮被踩；「浸大E神」楊梓瑤則見證空中求婚的浪漫場面，不過最啜核的，莫過於是寇鴻萍曾經和一籠雞同機！
《猿人爭霸戰：猩凶革命》
貝安琪：「試過有個女人坐喺我隔籬不停咁唸經，佢攞住十字架珠鏈同聖經，係咁話好緊張好驚，唸咗成兩個幾鐘，我畀佢搞到都緊張埋。好彩之後佢飲咗兩杯酒就瞓着咗，我先可以鬆一口氣。」
梁慧恩：「我見過有人瞓咗喺地度，我諗係因為坐經濟艙，啲位比較窄，唔可以伸直對腳，好辛苦，有個人就喺機尾位置，瞓咗喺地度，結果畀空姐叫佢起番身，超尷！」
楊梓瑤：「有次見到對情侶嗌交，個女仔仲喊，點知個男友突然跪低，喺個褲袋度拎咗隻戒指出嚟求婚，個女仔一見到隻戒指即刻由喊變笑，成個人冧晒。」
郭秀雲：「我見過我後面個位出現咗個「帳幕」，嗰兩個人喺下面郁嚟郁去，同埋我聽到有呻吟聲，唔知佢哋喺度搞乜。」
楊崢：「當年參加超級模特兒比賽贏咗冠軍，獎品係去英國嘅頭等機票。瞓覺嗰陣，有個外國肥佬挨咗落嚟，我同個空姐講，但佢居然答：『佢係我哋熟客嚟架，你睇開啲啦，no big deal！佢一飲醉咗就係咁架啦。』我嗰時真係好愕然。」
馬詩慧：「有次去紐約，因為我搭飛機瞓唔到覺，所以朋友叫我飲啲酒。我叫咗杯cream coffee味嘅酒，我覺得好好飲，只係飲咗一啖多啲，就已經覺得好眼瞓。之後我去廁所，一開門就暈咗，我下意識聽到空姐大叫『有冇醫生急救？』又feel到有乘客踩到我啲頭髮。」
寇鴻萍：「已經係十幾廿年前嘅事，我搭內地嘅內陸機時，見過有人拎住成籠雞上飛機，原來以前啲內陸機係可以帶活家禽上機，當時見到真係覺得好奇怪。」
Hello Kitty高科技研究所開幕禮
舊8模盧頌之：「有次去哈爾濱，當地個局長又好熱情，係咁招呼我同兩個記者飲米酒，結果我哋三個人醉住咁上機，中途又要轉６個鐘機，我仲要嘔同暈，好辛苦，得番薄弱意識。」
陽光妹何思諺：「十幾歲時同妹妹第一次搭飛機去新加坡，中途遇上氣流，妹妹個耳仔覺得好痛，已經叫佢keep住吞口水，但依然覺得好辛苦，當時我覺得好驚。」