G.E.M.慶生願再踏紅館
本月十六日是G.E.M.（鄧紫棋）廿歲生日，昨日她提前跟近70位粉絲聚會慶祝生日，生日願望是成功在紅館舉行演唱會Part2。踏入二字頭的她笑言不怕老，也不覺得生日特別，她說：「年年都一樣，但喺十八歲大搞過生日，史無前例好多派對，分別跟中學同學、唱歌朋友、粉絲都分別有慶祝。」她又叮囑粉絲不要再送禮物，寧願他們將買禮物錢捐作慈善，她說：「我叫佢哋寫信畀我，都係一種心意。」
卅歲結婚
展望未來十年，G.E.M.希望擁有自己的家庭，事業有更好成績，她坦言：「我覺得卅歲結婚已經係極限，生小朋友就太遙遠，但我都想早啲生，因為我媽咪都好後生生我，大家關係好close，我唔想同小朋友差距太多。」當記者問她可有收到緋聞男友林宥嘉禮物？她未聽完個名即說：「冇呀！（想收咩禮物？）再開到紅館演唱會。」
等收大禮
原來公司已為她入紙申請在九月初舉行演唱會Part2，明日就知結果，G.E.M.笑說：「想喺生日收到好消息公布埋，如果成事粉絲買多幾張飛當送我禮物。」或有人肉速遞來港給她驚喜慶祝生日？她笑說：「唔知喎，我唔要驚嚇，最驚嚇係紅館唔批。」她笑言公司最愛冒險，如果申請成功，距離開騷剩下一個月唔夠，連宣傳都來不及做，她說：「好彩我自己準備就OK，因為月底我要去澳洲做巡迴，呢排都不停咁排。」
文：音樂組