王喜冇被趕出無綫
被稱為「志雲幫」的王喜，於九月底約滿無綫未獲續約，無綫提早用錢解決雙方關係，王喜慘成棄將，身為無綫製作資源總監的樂易玲昨日否認放棄王喜，並稱對方因接了大陸劇要八月底開工，才未能傾成無綫續約的事，她說：「我哋已喺王喜約滿前補番爆騷錢畀佢，不過佢都好好，原本仲有三集《香港演義》話拍唔到，後來補個期佢都完成晒十集，其實王喜個約，我哋內部都有『過堂』（即審批），曾勵珍、梁家樹都喺度，大家話如果合適都會再搵佢，王喜又點會係棄將呢？」
不過王喜昨日回覆本報，他有另一番回應，明顯有弦外之音：「聽見『陳太』（樂易玲丈夫為陳君毅）咁講，我好感動，多謝陳太喺我背後嘅祝福！」另外事部副總監曾醒明昨鄭重澄清沒有將王喜趕出無綫，稍後會向藝員部了解是否有言語間誤會。