o靚模鬧市派雪條 乸面10分鐘

「浸大咪神」楊梓瑤(Carol)昨日率領五女在高溫下於鬧市派雪條,熱到乸口乸面,企足十分鐘。Carol密實上陣,並表示要保留實力,留待電影首映才「胸」戰一眾內地乳神。

昨午楊梓瑤(Carol)率領模特兒Annie G.、Hailey C.、Hazel(徐熙素)、Emily及Cindy到銅鑼灣鬧市派雪條,宣傳以泳衣戲為主的電影《戀夏戀夏戀戀下》,引來不少途人包圍搶雪條,場面墟冚!昨日氣溫高達三十多度,而且陽光猛烈,六女熱到乸口乸面,幸好只是現身十分鐘,才不至於溶妝出醜。

月底拍新戲

眾女昨日打扮並不性感,只得內地模Cindy稍露事業線及Hazel騷纖腰,向來身材出眾的Carol「封咪」包到冚,未知是否自以為轉戰影壇後升呢,她解釋說:「想活力啲同Casual啲,性感就留番部戲入面同埋首映。」問到會否怕屆時被內地乳神張馨予及劉羽琦等搶「峰」頭?Carol即搬出官腔答案:「大家都係為部戲好,各有唔同風格。」

她表示今次是入行後第一次在街上派禮物,即使是去年出寫真時也只在室內派,她說:「所以又熱又緊張!希望fans乖啲!」她又透露月底將接拍新戲,但撞正下月開學,幸好多數是夜晚開工,故影響不大。

暴曬險熱暈

至於Annie亦坦言驚暴曬熱到暈:「之前都有落區派禮物,但冇咁曬同咁多人,都驚熱到暈低!(怕畀人博懵?)開頭都有啲,但好在有保安,如果有咩事,我哋六個女仔一齊打佢!」

文:影視組

攝:黃叔榮