吳卓羲：我要似番個男人

Roy、譚詠麟、鍾鎮濤及任達華等昨日出席「JC晨曦足球學校開幕活動」，當被追問緋聞女友張馨予遭大批粉絲於微博辱罵，人身攻擊之餘連家人亦慘被「問候」，Roy顯得相當無奈，且冒着得罪自己影迷之險，亦要為對方「討回公道」！除了凌晨四時「捱眼瞓」，在自己微博內留言「如果你們真的支持我，就請尊重她」外，面對記者時更坦言：「唔應該攻擊人，微博係好健康嘅平台，唔係用嚟鬧人嘅，總之我身邊所有嘅人有事，我都會咁做（指反擊），要似番個男人！（有冇聯絡過張馨予？）咁又冇，總之大家冷靜啲啦，冇理由傳咗一次緋聞就要承受啲咁嘅嘢。（有冇唔開心？）梗係有，如果因為我而傷害到他人，我覺得唔好意思囉。」

洪天明與未婚妻周家蔚恩愛同場。

阿倫（左）與洪金寶難得聚首，雞啄唔斷。

阿倫被爆病情哈哈笑

同場的阿倫被內地製作人宋祖德大爆聽聞他有前列腺炎，他邊聽邊哈哈大笑，扮傻問記者此病何來，接着回應：「好彩依家仲未有（病），又唔係事實，所以一啲都唔嬲。」身旁的鍾鎮濤幫口說：「我唔發覺佢尿頻喎，炒作嘅嘢唔使理。」即將生日的阿倫表示會與家人低調慶祝，之前則與粉絲先來一個聚會。洪天明帶同未婚妻周家蔚跟夫親洪金寶同一家親。

至於忙於拍攝《大追捕》的任達華笑言已拍了五天與張家輝追逐的戲份，日日跑到氣咳，幸而他素有運動根底，才能順利應付過來。

文：影視組