李治廷聲帶潰瘍放電補數

歌手李治廷（Aarif）前晚帶病舉行處男音樂會，因聲帶潰瘍搞到失聲，最後要靠藥物開聲，撐足全場的Aarif放到盡大唱大跳，更「Chok王」上身，不斷擺Chok樣及放電眼冧歌迷。
儘管病情「好大鑊」，不過李治廷在處男音樂會仍毫無保留。
儘管病情「好大鑊」，不過李治廷在處男音樂會仍毫無保留。

李治廷前晚舉行首個音樂會，吸引葉德嫻、音樂人陳奐仁、導演羅啟銳、張婉婷、Mr.成員MJ、Ronny及Dash捧場，Ronny帶同圈外女友睇騷，而Aarif父母則預早到場招呼好友。

聲帶受損的李治廷，改以敏捷身手取悅樂迷。
  • 聲帶受損的李治廷，改以敏捷身手取悅樂迷。
李治廷父母（左一、二）欣賞兒子演出，全情投入。
  • 李治廷父母（左一、二）欣賞兒子演出，全情投入。
穿上緊身衫的衞蘭擔任嘉賓，明顯翻脹，雙下巴盡出。
  • 穿上緊身衫的衞蘭擔任嘉賓，明顯翻脹，雙下巴盡出。

Aarif個唱上又彈結他又打鼓，並不停向歌迷放電及擺Chok樣，搞到歌迷o依嘩鬼叫，聲沙沙的Aarif說：「把聲唔係咁好，因為聲帶潰瘍，有啲歌唱唔到，唔緊要，唱得幾多得幾多。」當介紹衞蘭出場時，竟轉身向鼓手Mr.成員Tom說：「不如叫啲女上嚟。」被玩的Tom一臉尷尬。Aarif為答謝老闆黎明送上《情深說話未曾講》，更抵死效法對方招牌動作遞咪給歌迷唱。

李治廷成名作《歲月神偷》的導演羅啟銳（右）與監製張婉婷一齊捧場。
  • 李治廷成名作《歲月神偷》的導演羅啟銳（右）與監製張婉婷一齊捧場。
Mr.成員是座上客，長髮女子是Ronny女友。
  • Mr.成員是座上客，長髮女子是Ronny女友。

「衞蘭永遠咁靚」

騷後Aarif接受訪問時以「好大鑊」形容病情，他說：「一邊聲帶爛咗，醫生都鬧我離晒大譜，原本我想打類固醇針，但醫生話傷肝改食藥，做完騷會休息一個月。」對於衞蘭脹爆出場，Aarif說：「佢喺我心目中永遠咁靚。（有傳佢結婚？）唔知，唔會問，佢要講就會講。」

Aarif透露日前與黎明開會，問到是否了解對方的「金句」意思？他說：「都唔難明，聽真就明白，第日有仔女都想好似黎明咁成日溝通。」之後Aarif出席新專輯簽名會，吸引六百多歌迷留低簽名。

採訪：音樂組