無綫高層樂易玲（圖）昨回應謂下午時分亦收到陳之來電，問及是否來電報喜？樂避忌表示其私人事由他自己講，當得知超雲已承認二人拍拖，樂才放心回應並作衷心祝福。她說：「其實拍拖好正常，旗下藝員有私人問題向我問意見或分享，我可以作精神支持，佢哋喺呢件事上咁做（指公開關係）覺得恰當嘅，我當然支持！（公開咗對山聰屬好事？）唔好咁講，一個男人應該要有承擔，（傳佢冇找機票錢？）我唔信，其實佢係演員，形象其實唔係最重要，戲好先係最重要，否則畀機會佢都發揮唔到！」
