鼓勵男友面對現實

記：一直以嚟陳山聰都有好多負面新聞，話佢唔工作顧住陪你，又話你掛住拍拖，你哋有冇傾過呢啲新聞，或者同佢傾過佢工作方面？

雲：我有同佢傾過，鼓勵佢唔好為呢啲負面新聞而唔開心，始終都要去面對，遲啲佢都要開工拍戲。（李添勝監製嗰部新劇？）係，佢會繼續工作。我同佢講，唔好理會啲負面新聞，你又唔係殺人放火，有咩需要驚？

記：之前傳周柏豪同你拍拖？

雲：大家只係朋友關係。

記：正如柏豪所講，現在係朋友，將來亦係朋友，係咪不準備去改變彼此關係？

雲：係！大家都無意改變。

記：有咁多是非緋聞圍繞你同周柏豪，你同柏豪有冇傾過呢啲新聞？

雲：佢冇打嚟傾過，冇傾過電話。