GiGi不愁寂寞兩帥哥陪瞓

GiGi與Matthew分手後一直寄情工作，今年四月更與舊公司美亞娛樂合資組成「G major Limited」經理人公司，「升呢」老闆的GiGi既拍廣告又拍電影忙得不可開交，但她卻十分享受當中過程，早前更以七位數接拍內地品牌床上用品廣告，認真豬籠入水。

拍廣告幾乎瞓着

每次接拍廣告均十分審慎的GiGi，早前親自遠赴杭州參觀廣告產品的廠房，並在當地拍攝這輯硬照廣告，廣告中的她穿上多襲優雅連身裙上陣，並躺在床上擺出睡姿，狀甚陶醉，GiGi坦言：「拍呢個廣告拍得好舒服，因為全程唔係瞓就係坐，舒服到爭啲瞓着，哈哈……」面對各種不同花款的床單，GiGi不諱言最喜歡紅色的龍鳳被，廣告商得悉後即二話不說送她一套，祝福她早日找到生命中的「他」。

GiGi獲贈紅噹噹的龍鳳被。

梁詠琪自言對感情事不強求。

感情事順其自然

對於廣告商的好意，GiGi十分感動，問到是否心急搵另一伴？她說：「唔心急，感情事都係順其自然，有緣自然遇到，冇得強求！」單身的她經常孤零零一個人睡，問到可希望有一雙強而有力的臂彎擁着甜蜜入睡？GiGi哈哈大笑謂：「唔使啦，我每晚都有兩位「帥哥」陪住瞓o架，就係我兩隻愛貓，佢哋仲係冬天最好嘅保暖攬枕添！」

文：音樂組