吳綺莉拒提成龍︰講到好悶
吳綺莉（Elaine）昨日為無綫生活台主持的《女人有話兒》首次錄影，請來袁詠儀、關寶慧做嘉賓，回流香港後的Elaine買屋安頓小龍女即惹來追訪，話題又圍繞着成龍，問到怕不怕被嘉賓問起？Elaine主動說：「講起成龍？都唔關我事，（講個女呢？）講女可以，係我個女嚟嘅，第三者就唔講，講到好悶啦，（有指林鳳嬌因你回流而返台灣？）啲新聞多餘，交通咁方便，啲人成日周圍走啦，我約吳君如，陳可辛走又關我事呀？大家唔好咁敏感！（佢提起你即黑面喎？）係咪嗰日天色唔好咋？」
爆女兒對報道麻木
而Elaine亦早有心理準備不時被提到此事：「第時我個女結婚都要問親家？（件事抹唔去？）你哋覺得啫，對我嚟講係過去，個女睇報紙十幾年都麻木。」不過她認為最不舒服的是遭人偷拍她的住所，有感私隱被侵犯。
另外，袁詠儀表示跟Elaine同是九○年選美而結緣，問到會否問對方的私生活？她笑言：「唔會問，除非佢自己講。」
此外，成龍的第一百套紀念電影《辛亥革命》獲選為「第24屆東京國際電影節」的特別開幕作品，屆時成龍會出席，他表示感到榮幸，並望電影可為地震災後的日本人帶來力量。
文：影視組