on仔＠C AllStar服侍老人獲益大
組合C AllStar成員on仔現正實習做社康護士，朝九晚八要實習，夜晚要錄音，更要出席各大活動，難怪他笑言似打兩份工，問到畢業後會選擇娛圈還是護士界，他坦言未知去向：「下年畢業先諗去向，現階段做好依家嘅嘢先！」談到實習on仔一臉興奮，明顯非常享受，他說：「實習要Home Vist，去老人家屋企幫佢哋洗傷口、換尿片，同佢哋傾偈好開心，令我知道多啲社會嘅事。」
成員釗峰則笑言忙到冇私生活：「時間好快過，不過係自己鍾意嘅嘢，好好玩！」又透露曾遭屋企反對入行，因怕他發明星夢，但見他認真對待，亦由反對變支持：「我哋感情好咗添，呢排好忙好少返屋企，靠飲茶見面。」King及Jaze亦異口同聲表示將時間全部貢獻給唱歌生活。