爆E超蓮捽出癮以Bra會知音
「爆E超蓮」鍾采羲早前在處女打碟騷中稍露「事業線」，已吸引逾百粉絲撐場，她以周秀娜的15萬元騷價為目標，並希望衝出亞洲；她又坦言有機會都想試試除剩Bra打碟，好讓知音留下印象。
剛加入DJ行列的「爆E超蓮」鍾采羲（Iris），早前在尖沙咀的夜店舉行處女打碟騷，以Tube Dress上陣的她稍露「事業線」，即吸引逾百名男女粉絲到場，場面熱哄哄。面對眾多粉絲，Iris坦言開始時甚為緊張，但現場高漲的氣氛令她愈來愈專心，在演出的一小時中絕冇「蝦碌」：「本身師傅企喺隔籬準備幫我，點知最後唔使佢，佢之後仲讚我Good Show。」
唔怕鹹豬手
問到表演時會否怕被人鹹豬手？Iris說：「都唔夠性感。（夠膽剩係着Bra打碟？）有機會都唔介意o架，想人哋留意我個人同音樂。其實DJ台同觀眾有距離，身邊會有Rapper，想鹹豬手都幾難！」
處女出騷的Iris表示捽碟捽出癮，現會一直學打碟，並視周秀娜的15萬元打碟騷價為目標：「依家喺學習階段，唔諗搵錢，目標一年之內騷價高過周秀娜。（想去海外打碟？）最想去阿姆斯特丹，全世界最大嘅大型派對都喺嗰度，喺英國讀書時有去過，亦都想去美國打碟，不過亞洲人比較難去外地打碟，要努力實現願望。」
文：專案組
場地：Why Club