林熹瞳尋愛唔係講玩
由主持轉型藝人的林熹瞳（Rachel）鮮有談及感情生活，現時單身的她表示正積極尋覓另一半，不過自言認真過頭嚇跑不少男仔，她說：「我其實好努力搵緊㗎，都有同人約會。愛情方面我依家唔玩得，一嚟就希望長遠發展，可能啲男仔見我個樣好似鍾意玩咁，知道我諗法都嚇到走夾唔抖！」
Rachel現正與張栢芝細佬栢文合拍鬼片，飾演情侶的兩人首日見面就要拍床戲，令她大呼尷尬：「我哋都好怕醜，瞓到好開隔咗成條河喺中間咁，唔係咁對路囉，我仲畀人笑好似條鹹魚咁攤喺度。」而拍攝期間她因為太眼瞓「入戲」瞓着，更笑指發足兩個夢。
服裝：Miss Sixty