阿嬌發忟：唔想歌迷冇質素
阿嬌（鍾欣桐）與阿Sa（蔡卓妍）姊妹情深，對fans為嬌狂轟陳偉霆（William）和阿Sa，阿嬌昨日現身時開口力撐William護花行為正常，更言希望歌迷要做個有質素fans！
Twins將於本月17日舉行音樂會，昨日阿嬌單拖前往排舞室練舞，好姊妹阿Sa因工作未能出現，其老師Miss杜帶來愛心花膠湯探班，阿嬌就回禮送上Twins簽名寫真集。至於排舞時阿嬌不時有甩漏舞步，阿嬌坦言因全部歌曲都重新排舞，前日才開始練舞。
日前「國語力頒獎禮」煙花爆破，fans在微博鬧爆William只顧護阿Sa而推開阿嬌一事，阿嬌再重伸純粹角度問題，當晚煙花很誇張，嚇得她和阿Sa即時向後縮，反而William是伸手為她們擋，但其衣服已被火花辣穿。
粉絲偏心會好Hurt
其實阿嬌早已為事件解釋，但其歌迷仍然在微博開火，令阿Sa忍不住留言罵歌迷，對歌迷所為，阿嬌坦言：「佢哋講極都唔明，是但啦！我唔想我啲歌迷冇質素。」阿嬌稱William保護女朋友是很正常，但因她習慣企在阿Sa的右邊，大會應安排William企埋阿Sa的左邊才對。
事件發生後，問阿嬌可有和阿Sa溝通？她說：「我哋係一個Group，唔想有歌迷咁偏激只鍾意一邊，我哋做嘢都好努力，唔想因歌迷偏愛另一邊而唔開心，咁大家會好Hurt。」
文：音樂組