朱晨麗認箍牙否認整容
出爐港姐冠、亞、季軍朱晨麗、朱希敏和許亦妮，昨日到眼鏡店接受獎金支票。朱晨麗對於參選「水鄉儷人」選美時，面形較方和哨牙，她否認整容：「我無咩需要整，以前係baby fat。（箍牙？）13歲時牙唔齊箍過，哨牙係角度問題。」對於過往生活再被揭露，她說：「我以前生活好平凡，但都想有啲私隱。我同幾多個人拍過拖都講晒，無咩唔可以畀人知。」她又稱希望盡快置業畀母親居住。
許亦妮在比賽當晚未獲其他佳麗送禮，人緣似欠佳，她說：「唔覺得，感情唔可以用份禮物嚟斷定，我都係平凡人，唔介意被指住平民區。」對於當選後要兩傭人接送上樓，她否認有公主病。
