劉心悠皮光肉滑得阿媽欣賞
藝人劉心悠、潮流達人杜如風和前電台唱片騎師卓韻芝，以代言人身份出席脫毛中心記者會。五年前已接受全身脫毛療程的劉心悠，被問到脫毛後男友有否大讚皮光肉滑時，她說：「冇喎！同事就有，男士就冇！（冇所用？）媽咪同觀眾見到會欣賞囉！」
問心悠三角位是否同樣接受了脫毛療程，她尷尬說：「冇，都冇咩機會着三點式。我都比較傳統會覺得尷尬和怕醜。不過我都考慮緊，因為工作上都有需要，有時唔小心會走出嚟被見到，脫咗會有安全感啲。」那會否對「毛男」情有獨鍾？她笑言：「如果對方天生有心口毛，亦會鼓勵對方脫毛。」
同場，杜如風被問到契哥謝霆鋒工作期間哮喘發作還頂硬上，她說：「我都係睇報紙先知，我之前都有慰問過佢，但佢又當我細路女咁叫我唔使擔心。」