思琦慳妹轉性買名牌

前港隊跳水隊員吳帥的身份被爆後，傳出不少負面新聞，雖然思琦開腔力撐男友，不過事件發展至今，吳帥一直玩「潛水」唔見人，就連陪思琦及思琦媽行街都假手於人，僅派出同是前隊友兼死黨的俞越代為陪伴！

掃完貴鞋，思琦再到附近的名店閒逛。	思琦（右）攜母親行名店，男友死黨俞越則全程陪伴。	俞越

攻貴價高踭鞋

日前下午四時許，一身黑色打扮的思琦與母親及俞越現身中環行逛。出名知慳識儉的思琦竟連逛中環多間名店，並專攻數千至萬多元的貴價高踭鞋，與昔日相比，可謂判若兩人。未幾，思琦已睇中一對心頭好，與俞越及楊媽媽討論過後便扑錘買下。

事後記者致電俞越，問到當日為何不見吳帥？他表示：「佢冇落嚟，仲喺大陸。（吳帥叫你照顧思琦？）唔係，我哋本身都好熟。（你幫思琦畀錢？）我哋各有各買，佢自己畀。」

蛇形行駛避走

此外，思琦日前出席完活動後，便自行駕車與母親前往尖沙咀髮型屋整頭。當日思琦為了撇甩尾隨的採訪車，竟罔顧安全在道路上高速左穿右插，險象環生！未能擺脫記者的思琦，最後死死氣地駛入停車場，問思琦是否約了男友？她只笑笑口說：「唔該晒！」便步入髮型屋。

文、攝：追蹤組