趙碩之認有闊少射住

趙碩之（Wylie）昨日穿上露肩短裙，擔任商場電腦節代言人。對於被指夜會「上海闊少」兼被拍得搭膊咬耳仔把酒談心，她口窒窒地說：「我嚟架？」經理人戴夢夢見狀即出口相助，澄清該男子只是其表姊的友人：「當日係碩之喺上海拍寫真嘅最後一日，所以同當地啲朋友出去食嘢啫。」

寸Jeana心口壓力大

定過神後，Wylie大讚「上海闊少」友善：「佢好照顧我，人哋都係熱情款待啫！」她又笑言自己因上海話差而未能「高攀」對方。提到恒指失守二萬點，Wylie大無畏地表示會趁低吸納：「媽咪有收到啲靚貼士，所以贏多輸少。」莫非Wylie真的有「大水喉」射住？

此外，對於o靚模許穎被爆「竄改」身份證號碼，Wylie說：「咁誇張，咁警察有冇做嘢？刑事架！」提到「不倒胸」何佩瑜（Jeana）前晚出席活動時胡言亂語，惹來心理病疑雲，Wylie沒好氣地說：「搵食啫！健康好緊要。（佢壓力大？）咁我唔知，淨係知佢心口『壓力』大！」

文：影視組