驚弓之鳥 小輸當贏
股市近日大起大跌，曾蝕大錢的藝人又如何自保？麥長青（麥包）認為世上無永遠都升的股市樓市，一定會有所調整，問他可有損失？他就話自己無錢買：「之前輸到唔敢同家人講，可能自己條命唔啱買股票，呢世都唔掂，都係工作賺錢比較好。」同樣過去輸得慘重的阮兆祥覺得蝕錢容易儲錢難，故現時以穩定投資為主：「今次都係輸皮毛，依家買外幣好啲，如人民幣，長線投資買大藍籌啦。我以前好似中咗冧巴降，貪勝不知輸。」
投資有道的梁思浩今次亦只輸少少，他解釋：「金融海嘯嗰陣買入大批股票，依家點蝕都蝕唔完，對股市都有信心，可以再趁低入市。」另外，模特兒傅嘉莉透露損失約六位數，她說：「上星期跌嗰陣已放少少，所以蝕得少，對個市有信心，唔會放晒。」