DaDa「肉金」蒸發 趙哲妤慳啲使補數
今年密密搵銀的一眾o靚模，亦因為股災令血汗錢「燒掉」大半，其中蝕得最傷的是損失五位數的陳靜（DaDa）及「中國小姐」趙哲妤。投資了六位數買股票的DaDa，損失約5至6萬港元，投資項目主要是錶行股。
反觀至於股齡只有年多的哲妤，雖然只用了三分一身家投資，但蝕掉五位數依然感到「好傷」：「股票同外幣我都有買，其實身邊有朋友話會跌，但我都走唔切。依家啲錢砸住咗，之後都唔夠膽帶信用卡出街，要慳啲使。」哲妤又指對股票信心頓失，短期內不會再入貨：「外幣都仲OK，打算趁低吸納澳元。」
至於股齡只有數月的「混血E神」Monna（林宜芝），一樣難逃損手命運，不過她不願透露實際損失數字：「一路買一路跌，跌咗四分三！不過我對個市都仲好樂觀，有撈低打算。」而向來無執輸的許穎（Pheobe），雖對股票不熟悉，但有跟朋友買股票，幸好損失不多：「唔會擺好多落去，所以無影響心情，由佢擺吓先。」