丁子高驗精結果：Good

丁子高（Real）昨晚出席手錶活動，之前被爆驗精的他，甫到場便被開玩笑指他面青口唇白，Real聽後亦忍不住笑，他承認有驗精，但並非最近的事，他說：「驗精係同太太千嬅婚後一個月去做，係好正常。初時見到報道有唔高興，諗住作出法律行動，但化驗所主動打畀我講對唔住，我諗唔關佢哋事，可能係有同事多嘴講咗出來。」

唔使補身

Real直言不介意驗精一事被告知天下，他稱稍有責任感的男人都會做，除了驗精外，他還做了其他檢驗，例如地中海貧血症等。問到驗精結果如何時，Real即時豎起大拇指說：「Good。（精子好活躍？）係呀，好明顯。（買鹿鞭補身？）我32歲好後生。（介唔介意講到你好似腎虧？）驗精只係驗身一種，只係寫到好大件事咁。」Real坦言原計劃明年造人，無奈夫婦二人的工作實在太忙，他又指有朋友曾教他用計日子的方法去造人，但同樣因太忙而無法照做。

陳沛嘉tube dress打扮，單拖亮相。

羅苡之與男友陳志健拍拖出席名錶活動。

另外，千嬅日前投訴被老公責罵，他解釋當日天氣太熱，已叫對方不要跟他跑步，但千嬅不理，跑至中途感到不適，最後要乘的士返家。

陳鈺芸（左）與袁潔瑩經常在ball場露面。

放大圖片

同場出席的還有袁潔瑩、陳沛嘉、伍允龍、陳鈺芸、羅苡之與男友等，場面熱鬧。身為謝霆鋒好友的伍允龍表示未有致電對方問候：「我只係Eamil畀佢，但佢冇覆，可能佢工作忙。（有指張栢芝養鬼仔﹖）我唔清楚。」

文：名人組