藍奕邦姣爆開騷 「龍」爪施襲除褲
藍奕邦前晚舉行處男音樂會，共換上三套衫，並多番扭動身體，姣味盡出，其父亦有捧場，藍奕邦在台上感謝父親說：「多謝你畀我前瞻又另類嘅成長，令我冇乜忌諱！」當擔任嘉賓的劉浩龍跑上台時，藍奕邦更突然化身女士，瞓在台上玩「男上女下」，意識大膽，又險被劉浩龍剝褲。
與千嬅齊隊酒
楊千嬅擔任神秘嘉賓，並透露因來撐場而缺席當晚的新城頒獎禮，令藍奕邦感動得數度落淚，在台上又與千嬅一支酒兩份飲。訪問時他已腳步浮浮。對千嬅因他而棄獎，他謂千嬅的地位已超越獎項的認同。問他是否想公開性取向？藍奕邦突然清醒說：「唔好咁講，我係普通人，同身份無關。（男朋友有嚟睇？）我依家單身。」
Mr.成員Ronny、Alan、MJ及Tom的舊愛Evelyn（蔡穎恩）亦有捧場，未知Tom是否不想與Evelyn同場而未有現身。Ronny則否認一早知道Tom同「陽光妹」Leanne（何思諺）拍拖，及力撐Leanne並非小三：「入面冇小三出現，Tom處理得成熟，唔會容許發生。」
文：音樂組
