黎明行善Sing嘶力竭
黎明帶病演出慈善音樂會，自言只餘下三、四成功力的他，聲沙沙唱了一首歌，未待完場大合照就先行離去；至於另一嘉賓梁詠琪（GiGi）被問新戀情時，就甜笑避談，情路似有新曙光。
前晚身為UNICEF國際親善大使的黎明，以打頭陣嘉賓身份出席慈善音樂會，不過因他扁桃腺發炎關係，在另一位國際親善大使、著名鋼琴家郎朗的鋼琴伴奏下，以沙啞的聲音和小朋友合唱了一曲《你不會孤單》，司儀慰問黎明病情，他說：「個人就冇乜事，但把聲只得三、四成。」不過黎明仍落力為慈善作出呼籲，他以廣東、普通話雙語說：「做到最好，做到最尾就可以。」
三十歲學拉琴
至於其他嘉賓，除楊采妮外，楊千嬅、黃曉明、薛凱琪、GiGi及孫耀威均獻唱兩首歌。GiGi透露和郭富城合演的新片中，有幸和小提琴家姚珏碰頭，得對方指教拉小提琴的動作：「真係台上一分鐘、台下十年功，我學咗四堂，但未可以演奏，老師讚我有天分，所以我會繼續學，不過我又覺得依家三十歲人先開始學，有啲遲。」
開拍勵志電影
GiGi做老闆成立新公司，迄下正物色人寫劇本，她稱：「係勵志性電影，可以帶出正能量，希望啲人睇完有新希望。」問她的感情世界可有新希望？她笑住話順其自然，有謂她的笑容很甜似有「景轟」？她耍太極說：「我不嬲都笑得甜，你哋（傳媒）唔好咁熱心啦。」楊采妮透露忙於寫書，欲借文字帶出凡事都可多角色去看的「轉念」思想，但她未定推出日期。
文：音樂組